Amin'ity volana ity ny tanànan'i Montréal dia hampiantrano ny resaka tokana manan-danja indrindra momba ny fiarovana ny natiora ho an'ny taranaka iray.
Ao amin'ny Fifanarahana COP15 an'ny Firenena Mikambana momba ny Fahasamihafan'ny Zavamananaina , dia hanaiky ireo tanjona manerantany ho fiarovana ny natiora ireo governemanta -- ny antsoina hoe Rafitra Momba ny Zavamananaina Manerantany aorian'ny taona 2020.
Ny COP15 dia mety hahita fitomboan'ny tanjona eran-tany ho an'ny fiarovana ny tontolo iainana, miaraka amin'ny fanohanana mitombo ny fiarovana ny 30 isan-jaton'ny tany sy ny ranomasina amin'ny taona 2030.
Blue Ventures dia fikambanana mpiaro ny tontolo iainana. Ekenay ny maha zava-dehibe ny fampitomboana ny fiarovana ny ranomasina. Ary mino izahay fa ny fiarovana tarihin'ny vondrom-piarahamonina, ho an'ny vondrom-piarahamonina, no hany lalana azo ampiasaina amin'ny fiarovana ny ranomasina amorontsiraka.
Nandritra ny roapolo taona dia niasa izahay mba hanehoana fa ny fiarovana ny ranomasina maharitra sy ara-drariny dia tsy ho vita raha tsy rehefa misy vondrom-piarahamonina miankina amin'ny natiora no mifehy.
Ho an'ny Vazimba sy vondrom-piarahamonina eo an-toerana maro, ny fiarovana dia mijanona ho fomba fanavakavahana sy ambony ambany izay mampisaraka ny olona amin'ny zavaboary.
Ho any Montréal izahay miaraka amin'ireo mpiara-miombon'antoka sy mpanjono madinika avy amin'ny kaontinanta dimy mandrisika ny governemanta hanaiky ny maha-zava-dehibe ny rariny ara-tsosialy amin'ny fahombiazana amin'ny fiarovana, ary handray tanjona izay miasa fa tsy manohitra ireo izay miankina indrindra amin'ny natiora.
Miaraha aminay amin'ny COP15 any Montréal na amin'ny aterineto amin'ny 10 Desambra − Andro Iraisam-pirenena ho an'ny Zon'olombelona − mba hianarana ny antony maha-zava-dehibe ny fomba fiasa mifototra amin'ny zon'olombelona amin'ny fiarovana ny tontolo iainana ao anatin'ny Global Biodiversity Framework amin'ny fahombiazan'ny fiarovana.
Misoratra anarana amin'ny hetsika eto.
Fantaro bebe kokoa momba ny hevitray momba ny 30×30 sy COP15 eto.





